ვფიქრობ, ეს არის ცვლილების დრო, - განაცხადა დღეს, 10 დეკემბერს, ჯანდაცვის მინისტრის პირველმა მოადგილემ, თამარ გაბუნიამ.
ცნობისთვის, გუშინ 9 დეკემბერს, ეკატერინე ტიკარაძე ჯანდაცვის მინისტრის თანამდებობიდან გადადგა.
"მიზეზებთან დაკავშირებით ქალბატონმა მინისტრმა გუშინ თავად არ ისაუბრა, ამიტომ მე ზედმეტად ამასთან დაკავშირებით კომენტარს ვერ გავაკეთებ. ვფიქრობ, ეს არის ცვლილების დრო და ეს იყო ის გადაწყვეტილება, რომელიც მინისტრმა მიიღო იმისთვის, რომ მისი პროფესიული ექსპერტიზა, გამოცდილება და შესაძლებლობები ნაყოფიერად მოხმარდეს ისევ და ისევ ქვეყნის პოლიტიკურ აქტივობებს და ჯანდაცვის სისტემის გაძლიერებას სამომავლოდ. ჯანდაცვის და სოციალური დაცვის პოლიტიკა არის ძალიან კომპლექსური სფერო, რომელიც ითვალისწინებს როგორც საკანონმდებლო ცვლილებებს, ასევე მთელ რიგ პოლიტიკური მხარდაჭერის აუცილებლობას", - განაცხადა გაბუნიამ.
