„ჯერ მოსახლეობას მოუხადეთ ბოდიში, იქ მოინანიეთ, იქ დაიმსახურეთ პატივი", - განაცხადა, დღეს, 14 დეკემბერს, პარლამენტის პლენარულ სხდომაზე „ქართული ოცნების" დეპუტატმა ირაკლი ზარქუამ.
„თუ შერიგება გინდათ და ეს ფარსი არ არის, რაც ჩემი კოლეგების მხრიდან ითქვა, კეთილი ინებეთ და ჯერ მოსახლეობას მოუხადეთ ბოდიში, იქ მოინანიეთ, იქ დაიმსახურეთ პატივი და ამის შემდეგ შეგვიძლია უკვე ვილაპარაკოთ ნორმალურ განვითარებაზე, თორემ ჩვენ ახლა შესარიგებელი... აქ სხედხართ, მიუხედავად იმისა, რომ თვეების განმავლობაში იძახით არ შემოვალთო, რადიკალურ ოპოზიციას მივმართავ, ახლა აქ სხედხართ. რვავე არჩევნები წააგეთ, ეს კიდევ ერთხელ მიუთითებს, რომ მოსახლეობას უნდა ელაპარაკოთ, ისინი უნდა შემოირიგოთ და არ აქ, ჩვენ ისედაც აგერ მოგიტევებთ კი ბატონო და შეგინდობთ",- განაცხადა ზარქუამ.
