„თუ სპეციალისტები ამბობენ, რომ სააკაშვილს მკურნალობა ესაჭიროება, ეს ავტომატურად არ ნიშნავს, რომ ის გორში უნდა დარჩეს," - განაცხადა დღეს, 15 დეკემბერს, პარლამენტის ადამიანის უფლებათა დაცვის კომიტეტის თავმდჯომარე მიხეილ სარჯველაძემ მესამე პრეზიდენტის ჯანმრთელობის მდგომარეობაზე საუბრისას.
შეგახსენებთ: მიხეილ სააკაშვილი 1-ელ ოქტომბერს დააკავეს და შიმშილობის 50-ე დღეს გლდანის ციხიდან გორის სამხედრო ჰოსპიტალში გადაიყვანეს, სადაც ამ დრომდე იმყოფება. ამასთან, გუშინ, 14 დეკემბერს, ცნობილი გახდა სახალხო დამცველის მიერ შექმნილი ექიმთა კონსილიუმის დასკვნა.
„კონსილიუმის განცხადება, რომ სააკაშვილს მკურნალობა ესაჭიროება, არ ნიშნავს იმას, რომ ის გორში უნდა დარჩეს და სასჯელაღსრულების დაწესებულებაში არ დაბრუნდეს. საჭიროა ახსნა, რატომ მაინცდამაინც გორში სჭირდება ახსნა, რატომ მაინცდამაინც გორში და რატომ არ შეიძლება ის იმყოფებოდეს საპატიმრო დაწესებულებაში", - განაცხადა მიხეილ სარჯველაძემ.
