„ემპათიას" შეფასებები სააკაშვილის ჯანმრთელობაზე ყალბია და კიდევ ერთხელ აჩვენებს ამ ორგანიზაციის და მისი ექსპერტების სამედიცინო ეთიკისგან აცდენას," - განაცხადა დღეს, 15 დეკემბერს, „ქართული ოცნების" წევრმა, შალვა პაპუაშვილმა.
შეგახსენებთ: მიხეილ სააკაშვილი 1-ელ ოქტომბერს დააკავეს და შიმშილობის 50-ე დღეს გლდანის ციხიდან გორის სამხედრო ჰოსპიტალში გადაიყვანეს, სადაც ამ დრომდე იმყოფება. ასევე, გუშინ, 14 დეკემბერს, ცნობილი გახდა სახალხო დამცველის მიერ შექმნილი კონსილიუმის დასკვნა.
„რამდენიმე დასკვნა იყო, უფრო მნიშვნელოვანია უპირველეს ყოვლისა, სახელმწიფო კონსილიუმის მოსაზრებები და ამ კუთხით მდგომარეობას დავაკვირდებით. ამავე დროს ვნახეთ ცენტრ „ემპათიას" შეფასებები, რომელიც ფაქტია, რომ ყალბია და კიდევ ერთხელ აჩვენებს ამ ორგანიზაციის და მისი ექსპერტების სამედიცინო ეთიკისგან აცდენას. ომბუდსმენის დასკვნამაც დაადასტურა, რომ ეს იყო სიყალბე, რაც „ემპათიისგან" მოვისმინეთ. რაც შეეხება სტრესს, რასაც მე გავეცანი, იყო დაპატიმრებით გამოწვეული სტრესი", - განაცხადა შალვა პაპუაშვილმა.
