2023 წელს, საქართველოში პენსიის მიმღებთა რაოდენობა 838 097-მდე გაიზარდა. საქსტატმა დღეს სოციალური დაცვის მაჩვენებელი გამოაქვეყნა, რომელიც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მონაცემებს ეფუძნება.
სტატისტიკის მიხედვით, პენსიის მიმღებ პირთაგან 71.1% ქალია, ხოლო 28.9% - კაცი. პენსიის მიმღებთა 30.3% თბილისშია, 15.8% - იმერეთში, 10.5% სამეგრელო-ზემო სვანეთში, 10% - ქვემო ქართლში, 8.7% - კახეთში, დანარჩენ რეგიონებში კი ჯამში 24.8%.
ამასთან, სოციალური მომსახურების სააგენტოს ოფიციალური მონაცემებით, 2023 წელს 838 097 პენსიონერზე გასულ წელს პენსიის სახით 280 154 560 ლარი გაიცა. გაზრდილია გაცემული პენსიის მოცულობაც. 2022 წელს ქვეყანაში 222 850 163 ლარი 792 980 პენსიონერზე გაიცა.
