„სურამის ტყის მიმართულებით ვმოძრაობდი,“ - განაცხადა ეკონომიკის ექსპერტმა, რამაზ გერლიანმა, რომელიც სამი დღის წინ გაუჩინარდა . ის წუხელ, გვიან ღამით იპოვეს და სამართალდამცველებმა გლდანი-ნაძალადევის პოლიციის სამმართველოს მე-8 დაწესებულებაში გადაიყვანეს.
შეგახსენებთ: რამაზ გერლიანი 19 დეკემბერს გაუჩინარდა. მანამდე ის პოლიციელ გიორგი გოგნიაშვილს ტერორში ადანაშაულებდა.
"ძირითადად, სურამის ტყის მიმართულებით ვმოძრაობდი. მივეცი უკვე განმარტება და მანამდეც დავწერე, გიორგი გოგნიაშვილის, პოლიციელის მხრიდან ჩემ მიმართ უღირსი და პატივაყრის ქმედება. ეს იყო ძირითადი მიზეზი, რაც დაგროვდა დროთა განმავლობაში ჩემში და მივედი ამ გადაწყვეტილებამდე", - თქვა „ეკონომიკური ტრანსფორმაციის ცენტრის“ პრეზიდენტმა რამაზ გერლიანმა, რომელმაც პოლიცია -საათიანი გამოკითხვის შემდეგ დატოვა.
