„თავის დროზე კონკრეტული პოლიტიკური მიზნების გამო ეს არ მოხერხდა",--
- ამის შესახებ განცხადება „ქართული ოცნების" თავმჯდომარე ირაკლი კობახიძემ სახელმწიფო ინსპექტორის სამსახურის გაუქმების ინიციატივაზე საუბრისას გააკეთა.
კობახიძის შეფასებით, პრაქტიკულად საყოველთაო რეკომენდაცია იყო, რომ ინსპექტორის სამსახურში ერთმანეთისგან გამიჯნული უნდა ყოფილიყო გამოძიებისა და პერსონალური მონაცემების დაცვის სამსახურები.
„თავის დროზე კონკრეტული პოლიტიკური მიზნების გამო ეს არ მოხერხდა. ახლა არათუ გაუქმება, არამედ ერთი სამსახურის ჩანაცვლება ორით მოხდება. გამოძიების ნაწილში ამ სამსახურს ფუნქციებიც კი ემატება. თავის დროზე გუნდის უმრავლესობა იყო იმის მომხრე, რომ სწორად ჩამოყალიბებულიყო სახელმწიფო ინსპექტორის სამსახური, მაგრამ პოლიტიკური საკითხების გამო ეს არ მოხერხდა", - განაცხადა კობახიძემ.
შეგახსენებთ, საკანონმდებლო პაკეტი, რომლის საფუძველზეც სახელმწიფო ინსპექტორის თანამდებობა და სახელმწიფო ინსპექტორის სამსახური უქმდება, პარლამენტის ბიუროს დღეს წარედგინება.
