დღეს, 29 დეკემბერს, საქართველოს პარლამენტი რიგგარეშე სესიაზე ახალ თავმჯდომარეს აირჩევს. სხდომა 12:00 საათზეა ჩანიშნული.
თავმჯდომარეობის კანდიდატად ფრაქცია "ქართული ოცნებიდან" დეპუტატი შალვა პაპუაშვილია წარდგენილი. მის ასარჩევად მმართველ გუნდს 76 დეპუტატის მხარდაჭერა სჭირდება.
შეგახსენებთ: პარლამენტის სპიკერის პოსტი ვაკანტური მას შემდეგ გახდა, რაც კახა კუჭავამ 24 დეკემბერს თანამდებობიდან გადადგომის შესახებ განაცხადა. იმავე დღეს, მმართველმა გუნდმა თავმჯდომარის პოსტზე შალვა პაპუაშვილი წარადგინა.
