აშშ-ის პრეზიდენტმა, ჯო ბაიდენმა დონალდ ტრამპი ვიქტორ ორბანთან შეხვედრის გამო გააკრიტიკა და განაცხადა, რომ უნგრეთის პრემიერ-მინისტრი „დიქტატურას ეძებს“.
„იცით, ვის შეხვდა ის დღეს მარ-ა-ლაგოში? უნგრელ ორბანს, რომელმაც ცალსახად განაცხადა, რომ არ ფიქრობს, რომ დემოკრატია მუშაობს და ეძებს დიქტატურას. მე ვხედავ მომავალს, სადაც ჩვენ ვიცავთ დემოკრატიას და არ ვამცირებთ მას“, – განაცხადა აშშ-ის პრეზიდენტმა მხარდამჭერებთან შეხვედრაზე.
ვიქტორ ორბანი დონალდ ტრამპს აშშ-ში შეხვდა და შეხვედრის შემდეგ განაცხადა, რომ ტრამპი იყო მშვიდობის პრეზიდენტი, რომელმაც მსოფლიოში პატივისცემა მოიპოვა.
