ავსტრალია უკრაინისთვის დახმარების მიზნით შექმნილ „დრონების კოალიციას“ შეუერთდა, - ამის შესახებ ავსტრალიის თავდაცვის მინისტრმა, რიჩარდ მარლსმა ბრიტანელ კოლეგასთან, გრანტ შაპსთან ერთობლივ პრესკონფერენციაზე განაცხადა.
„ავსტრალია ჩაერთვება დრონების კოალიციაში, რომელსაც ხელმძღვანელობენ გაერთიანებული სამეფო და ლატვია“, - აღნიშნა რიჩარდ მარლსმა.
შეგახსენებთ, 8 მარტს, კანადის ეროვნული თავდაცვის მინისტრმა, ბილ ბლერმა ასევე პირობა დადო, რომ კანადა შეუერთდება საერთაშორისო დრონების კოალიციას, რომელსაც ლატვია და გაერთიანებული სამეფო ხელმძღვანელობენ.
