UFC-ის პირველმა ქართველი ჩემპიონმა, ილია თოფურიამ ევროპის ჩემპიონატის პლეი ოფის ნახევარფინალის დროს, საქართველოსა და ლუქსემბურგის უმნიშვნელოვანესი მატჩის დაწყებამდე რამდენიმე წუთით ადრე „დინამო არენაზე“, გულშემატკივრებით სავსე ტრიბუნების წინ საჩემპიონო ქამარი წარადგინა.
პრეზიდენტმა, სალომე ზურაბიშვილმა UFC-ის ქართველი ჩემპიონი, ილია თოფურია დღეს ღირსების ორდენით დააჯილდოვა.
„ძალიან დიდი პატივია ჩემთვის ამ ტიტულის მიღება. წავედი საქართველოდან როგორც ჩვეულებრივი მოქალაქე, დღეს აქ ვბრუნდები თქვენ წინაშე და ასეთი სახის ტიტულს რომ ვიღებ, სიამაყით ვივსები. მადლობა მინდა, გადაგიხადოთ ასეთი კარგი სიტყვებისთვის. ახლა წავალთ, საქართველოს ნაკრებს დავუჭერთ მხარს და გავამარჯვებინებთ აუცილებლად. უდიდესი მადლობა ყველას მოსვლისთვის, გაუმარჯოს საქართველოს“, – განაცხადა ილია თოფურიამ ღირსების ორდენით დაჯილდოების შემდეგ.
შეგახსენებთ, რომ ილია თოფურია UFC-ის ქვემსუბუქი წონის ახალი ჩემპიონია. ქამრისთვის ბრძოლაში 27 წლის ქართველმა ლეგენდარული ავსტრალიელი მებრძოლი ალექსანდერ ვოლკანოვსკი ნოკაუტით დაამარცხა.
