დავით სარალიძის განზრახ ჯგუფურად მკვლელობაში ბრალდებული გიორგი მენაბდე სასამართლომ დამნაშავედ ცნო.
მოსამართლემ ბრალდებულს 14 წლით თავისუფლების აღკვეთა შეუფარდა, თუმცა, არასრულწლოვანთა მართლმსაჯულების კოდექსიდან გამომდინარე, სასჯელი ერთი მეოთხედით შემცირდა და სასჯელის ზომად 10 წელი და 6 თვე განისაზღვრა.
დაცვის მხარე აცხადებს, რომ სასამართლოს დღევანდელ გადაწყვეტილებას გაასაჩივრებენ.
გიორგი მენაბდე სამართალდამცველებმა 15 აპრილს დააკავეს.
შეგახსენებთ, ხორავას ქუჩაზე ბოლო წლების ყველაზე გახმაურებული მკვლელობა 2017 წლის პირველ დეკემბერს მოხდა. მოზარდებს შორის დაპირისპირებისას 51-ე სკოლის ორი მოსწავლე დავით სარალიძე და ლევან დადუნაშვილი მოკლეს
