U.S. House approves Ukraine aid
U.S. House of Representatives preparing to vote on Ukraine aid
Ukraine has three sources of financial support - Zelensky
ვოლოდიმირ ზელენსკიმ აშშ-ის წარმომადგენელთა პალატას უკრაინისთვის დახმარების გამოყოფის გადაწყვეტილებისთვის მადლობა გადაუხადა
აშშ-ის წარმომადგენელთა პალატამ უკრაინისთვის 61 მილიარდი დოლარის დახმარების პაკეტის გადაცემას მხარი დაუჭირა
აშშ-ის წარმომადგენელთა პალატამ რუსული გაყინული აქტივების უკრაინის სასარგებლოდ კონფისკაციას მხარი დაუჭირა
რუსეთი დრონების იერიშს რვა ოლქში იგერიებდა
War update: 102 combat clashes in Ukraine on Friday

ანა წითლიძე ლევან დავითაშვილს - როდის დაიწყება სკოლებში უფასო კვების პროგრამა?

04.03.2024 | 23:20 ნახვები: 263

ბატონო მინისტრო, მე ვიქნები ჯიუტი და რამდენჯერაც მოხვალთ პარლამენტში იმდენჯერ მხოლოდ ორ საკითხზე დაგელაპარაკებით , - ასე მიმართა „ნაციონალური მოძრაობის" წევრმა, ანა წითლიძემ ეკონომიკისა და მდგრადი განვითარების მინისტრ ლევან დავითაშვილს, რომელსაც „მინისტრის საათის" ფორმატში პლენარულ სხდომაზე მოუსმინეს.

ოპოზიციონერმა დეპუტატმა თავის გამოსვლაში სკოლებში ბავშვთა უფასო კვებასა და ქვეყნის დეცენტრალიზაციის საკითხებზე ისაუბრა.

„პირველი საკითხი სკოლებში ბავშვების უფასო კვებას ეხება. თქვენ ეკონომიკის მინისტრი ხართ და მათ შორის, პასუხისმგებელი ხართ, რომ ამ ქვეყანაში ბავშვებს არ შიოდეთ. ყოველ მეხუთე და მეექვსე ბავშვს საჯარო სკოლებში არ აქვს შესაძლებლობა იმის, რომ ჰქონდეს სასურველი წიგნი ან სახატავი რვეული. ვიდრე ჯერ კიდევ პრობლემა არის ის, რომ ბავშვებს სკოლებში შიათ, თქვენ, ეკონომიკის მინისტრს პასუხისმგებლობა გეკისრებათ იმაზე, რომ გვიპასუხოთ - როდის დაიწყება უფასო კვების პროგრამის განხორციელება სკოლებში და რატომ არასოდეს არ გახდა ბავშვები ამ ხელისუფლების პრიორიტეტი?", - განაცხადა ანა წითლიძემ.

მისივე თქმით, ეკონომიკის სამინისტრომ ვერ მოძებნა 680 ლარი, რათა თითოეული ბავშვის უფასო კვება დააფინანსოს სკოლებში და არანაირი არგუმენტი არ მიიღება თუ რატომ არ ახორციელებს სახელმწიფო მოსწავლეების უფასო კვების პროგრამას.

„მეორე, ასევე მნიშვნელოვანი პრობლემა, რაზეც მინდა ვისაუბრო და ვთვლი, რომ ეს არის უმნიშვნელოვანესი საქართველოს დემოკრატიული განვითარებისთვის, განსაკუთრებით იმ ფონზე, როდესაც ჩვენ კანდიდატის სტატუსი მივიღეთ, ეს არის დეცენტრალიზაცია და დეცენტრალიზაციის განხორციელებაზე მათ შორის, პასუხისმგებელი ეკონომიკის სამინისტროა. ზოგადად რა რეგიონული მოწყობა გვაქვს დღეს ქვეყანაში? ამაზე უმრავლესობის წევრებს გიმსჯელიათ? როგორი უნდა იყოს ამ ქვეყნის რეგიონული განვითარება, რა სახის გუბერნატორები და სახელმწიფო რწმუნებულები გვყავს ახლა და საერთოდ რაში გვჭირდება ეს ხალხი? გიფიქრიათ როგორი უნდა იყოს დეცენტრალიზაციის რეფორმა?", - განაცხადა ანა წითლიძემ.

ყველას ნახვა
ყველას ნახვა