გასულ წელს ათობით ათასი ქართველი ქუჩაში გამოვიდა, რათა საჯაროთ გამოეცხადებინათ თავიანთი ევროპული ამბიციები და უარეყოთ ამ კანონის მიღება , - ამის შესახებ აშშ-ის სახელმწიფო დეპარტამენტის სპიკერმა, მეთიუ მილერმა ბრიფინგზე განაცხადა, რითაც გამოეხმაურა “უცხოური გავლენის გამჭვირვალობის შესახებ“ კანონპროექტის ხელახლა დაინიცირებას.
“ვნახეთ ცნობები, რომ ისინი [“ქართული ოცნება”] პოტენციურ კანონპროექტს განიხილავენ და მხოლოდ იმას ვიტყვი, რომ გასულ წელს ათობით ათასი ქართველი ქუჩაში გამოვიდა, რათა საჯაროთ გამოეცხადებინათ თავიანთი ევროპული ამბიციები და უარეყოთ ამ კანონის მიღება.
საქართველოს ისტორიული შესაძლებლობა აქვს ევროკავშირთან გაწევრიანების შესახებ მოლაპარაკებები გახსნას და ჩვენ მზად ვართ გავაგრძელოთ ამ პროცესში საქართველოს მხარდაჭერა”, - განაცხადა მილერმა.
