პარლამენტთან, რუსული კანონის საწინააღმდეგო აქციაზე, სპეცრაზმელებმა "პუბლიკის" ჟურნალისტს, ალექსანდრე ქეშელაშვილს სცემეს.
გამოცემის ცნობით, ალექსანდრე ქეშელაშვილი ადგილზე პროფესიულ მოვალეობას ასრულებდა და იღებდა, როგორ აკავებდნენ სპეცრაზმელები მოქალაქეებს. სამართალდამცველებმა მისი ტექნიკის დაზიანებაც სცადეს.
მისი მდგომარეობა ამ დროისთვის უცნობია.
ასევე ჟვანიას ქუჩაზე, სპეცრაზმელებმა "ტაბულას" ჟურნალისტს, გიორგი ბადრიძეს სცემეს. ინფორმაციას თავად გამოცემა ავრცელებს და წერს, რომ ჟურნალისტს პირადი მობილური ტელეფონი წაართვეს, როცა ის სამსახურებრივ მოვალეობას ასრულებდა და აქციას იღებდა.
გამოცემის ინფორმაციით, პირადი მობილურის ჩამორთმევის შემდეგ მან მუშაობა ოფისის მობილურით გააგრძელა, რომლის წართმევაც ასევე სცადეს, თუმცა მან უკან დააბრუნებინა.
ფოტო: პუბლიკა
