შეუწყდებათ თუ არა სადეპუტატო უფლებამოსილება შალვა ნათელაშვილს, ელენე ხოშტარიას და ბადრი ჯაფარიძეს? - საკითხზე საპროცედურო საკითხთა კომიტეტზე უნდა ემსჯელათ, თუმცა სხდომა გადაიდო. ნათელაშვილისა და ხოშტარიასთვის უფლებამოსილების შეწყვეტის განხილვის მიზეზი არასაპატიო მიზეზით სხდომების გაცდენაა, ჯაფარიძის შემთხვევაში კი - ის საქალაქო სასამართლოს გამამტყუნებელ გადაწყვეტილებას უკავშირდება.
კომიტეტის თავმჯდომარის პირველი მოადგილის გურამ მაჭარაშვილის ინფორმაციით, კომიტეტის სხდომის გადადების მიზეზი კოვიდპანდემიაა, რის გამოც კომიტეტის წევრები პარლამენტში ვერ მივიდნენ და კვორუმი ვერ დგება.
