პენტაგონი რუსეთის ფედერაციის კურსკის ოლქში უკრაინული ჯარების ოპერაციას ესკალაციის საფრთხედ არ მიიჩნევს, - ამის შესახებ ამერიკის თავდაცვის უწყების პრესსპიკერის მოადგილემ, საბრინა სინგმა განაცხადა.
კითხვაზე, გაწუხებთ თუ არა ის, რომ რუსეთი ამ თავდასხმის გამო დაძაბულობის ესკალაციას მოახდენს, მათ შორის აშშ-სთან, საბრინა სინგმა უპასუხა.
„არ ვთვლით, რომ ეს რაიმე ფორმით ესკალაციაა. უკრაინა აკეთებს იმას, რაც უნდა გააკეთოს ბრძოლის ველზე წარმატების მისაღწევად. უკრაინა ყველაფერს გააკეთებს იმისათვის, რომ თავისი სუვერენული ტერიტორია დაიბრუნოს“, - აღნიშნა პენტაგონის პრესსპიკერის მოადგილემ.
მისი თქმით, შეერთებული შტატები გააგრძელებს უკრაინის მხარდაჭერას იმ შესაძლებლობებითა და სისტემებით, რაც მათ სჭირდებათ.
