აშშ-ის ცენტრალური სარდლობისა და ერაყის უსაფრთხოების ძალების მიერ ჩატარებული ერთობლივი ოპერაციის შედეგად, ე.წ. „ისლამური სახელმწიფოს“ 15 მებრძოლის ლიკვიდაცია განხორციელდა, - ამის შესახებ ინფორმაციას აშშ-ის შეიარაღებული ძალების ცენტრალური სარდლობა ავრცელებს.
აშშ-ის ცენტრალური სარდლობის განცხადებით, ამერიკელმა სამხედროებმა და ერაყის უსაფრთხოების ძალებმა ე.წ. „ისლამური სახელმწიფოს“ წინააღმდეგ ერთობლივი ოპერაცია 29 აგვისტოს, დასავლეთ ერაყში ჩაატარეს.
„ოპერაციის სამიზნეებს ე.წ. „ისლამური სახელმწიფოს“ ლიდერები წარმოადგენდნენ და მის მიზანს რეგიონსა და მის ფარგლებს გარეთ ერაყის მშვიდობიანი მოსახლეობის, აშშ-ის მოქალაქეებისა და მოკავშირეების წინააღმდეგ ე.წ. „ისლამური სახელმწიფოს“ მიერ თავდასხმების დაგეგმვისა და განხორციელების უნარის შესუსტება წარმოადგენდა“, - ნათქვამია აშშ-ის ცენტრალური სარდლობის განცხადებაში.
ამერიკული მედიის ცნობით, დასავლეთ ერაყში ჩატარებული ოპერაციის შედეგად შვიდი ამერიკელი სამხედრო დაშავდა, ხოლო მშვიდობიან მოსახლეობას შორის დაშავებულების შესახებ ინფორმაცია არ ვრცელდება.
