მოდით, თბილისი კვლავ ევროპის ნამდვილ დედაქალაქად ვაქციოთ. 26 ოქტომბერს თქვენ ამის შესაძლებლობა გაქვთ! - ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი პლატფორმა X-ზე წერს.
„მადლობა ყველა ქართველ მეგობარს საოცარი მასპინძლობისთვის! მოდით, თბილისი კვლავ ევროპის ნამდვილ დედაქალაქად ვაქციოთ. 26 ოქტომბერს თქვენ ამის შესაძლებლობა გაქვთ! გამოიყენეთ ეს შანსი! არჩევანი თქვენია! მმართველი პარტია და მისი ფავორიტი მედიის წარმომადგენლები, რომლებიც თავიანთი კრიტიკოსების დისკრედიტაციას ცილისმწამებლური კამპანიებით ცდილობენ, თავდაჯერებულები არ არიან. „ქართული ოცნება“, იგივე „ქართული კოშმარი“ არა არგუმენტების ძალას, არამედ სიცრუეს ეყრდნობა. ვინც ასე იქცევა, ადრე თუ გვიან, მარცხდება“, - წერს მიხაილ როთი.
