4 ნოემბერს, საღამოს 19:00 საათზე. გაყალბებული არჩევნების გასაპროტესტებლად ათი ათასობით მოქალაქე დედაქალაქის მთავარ გამზირზე შეიკრიბება.
არჩევნების შედეგების გაუქმება და ახალი არჩევნების დანიშვნა - ეს ხალხის მთავარი მოთხოვნაა. მოქალაქეები სწორედ აქციაზე გაიგებენ ოპოზიციის გრძელვადიან გეგმას, რომელიც ახალი არჩევნების ჩასანიშნად კოორდინირებულ ბრძოლას გულისხმობს.
ხვალიდან საქართველოში ახალი არჩევნების მოთხოვნოთ უწყვეტი საპროტესტო აქციები იწყება, ამიტომ დღეს მასშტაბურ დემონსტრაციამდე ერთი დღით ადრე პრო დასავლური ოპოზიცია ბოლოჯერ შეიკრიბა. ქუჩის პროტესტთან ერთად, გრძელდება გაყალბების ფაქტების საერთაშორისო პარტნიორებისთვის გადაცემა და კოორდინაცია პრეზიდენტთან, რომ არალეგიტიმური არჩევნების აღიარება დასავლეთში არ მოხდეს.
ამ დრომდე არც ევროკავშირს, არც ბრიტანეთს და არც ამერიკის შეერთებყლ შტატებს არჩევნების შედეგები არ უღიარებია. ხალხის ხმების დასაცავად უკვე არსებობს გეგმა. ახალგაზრდები ამბობენ, რომ მიტაცებული არჩევნების შედეგებს არ შეეგუებიან და ოლიგარქის ხელისუფლებას წინ უკომპრომისო ბრძოლა ელოდება.
ფოტო: რადიო თავისუფლება
