პრემიერ ირაკლი ღარიბაშვილის გარემოცვამ "ტვ პირველის" გამომძიებელი ჟურნალისტების საბანკო ანგარიშებისა და ქონების დაყადაღების მოთხოვნით სასამართლოს მიმართა. საქმე ეხება ბიზნესმენ ნუგზარ ალუღიშვილის და ირაკლი ღარიბაშვილის მამის სავარაუდო ბიზნეს ინტერესებზე მომზადებულ გამოძიებას.
„როგორც ჩანს, პრემიერი ღარიბაშვილი ძალიან გაბრაზდა, იმ თემით, რომ სწორედ ჩვენმა გუნდმა გამოიკვლია ღარიბავილის მიერ მიტაცებული, გადაფორმებული ტყის ამბავი, ჩვენ მოვიპოვეთ ეს დოკუმენტები და პერსონალური შურისძიება გადაწყვიტა. ახლა, მისი გარემოცვა და მასთან დაკავშირებული პირები სასამართლოში ჩივიან და ითხოვენ ჩვენი საბანკო ანგარიშების დაყადაღებას. ეს არის ერთადერთი ანგარიში, სადაც გვერიცხება ხელფასი, უნდათ ხელფასი ვერ ავიღოთ. უფრო შორს წავიდნენ და ასევე ითხოვენ, ჩვენი საცხოვრებელი სახლების დაყადაღებას. სასამართლოს რეპუტაცია კი ამ ქვეყანაში საყოველთაიდ ცნობილია და ახლა ამ გზით ცდილობენ ჩვენი სახოვრებელი სახლები დააყადაღონ და ამით ჟურმალისტებზე პერსონალური ანგარიშსწორება განახორციელონ - აცხადებს ნოდარ მელაძე.
