საქართველოსთან დაკავშირებით განვიხილავთ, კიდევ რა შეგვიძლია გავაკეთოთ იმისთვის, რომ რეალური ზეწოლა მოვახდინოთ მთავრობაზე, არ გამოიყენოს ძალადობა მომიტინგეების წინააღმდეგ, არ განახორციელოს ზეწოლა ოპოზიციაზე და გავაგზავნოთ ძალიან ძლიერი სიგნალი ევროკავშირისგან, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ევროპული საბჭოს შეხვედრის დაწყებამდე ბრიუსელში ჟურნალისტებს განუცხადა.
მისი თქმით, სანქციების საკითხზე მუშაობა უნდა გაგრძელდეს.
"რა თქმა უნდა ვისაუბრებთ საქართველოზე და იმაზე თუ რისი გაკეთება შეგვიძლია რათა ზეწოლა მოვახდინოთ მთავრობაზე , რომ არ გამოიყენოს ძალადობა პროტესტანტების წინააღმდეგ და არ მოახდინოს ზეწოლა ოპოზიციაზე . რათა გავუგზავნოთ მათ ძალიან ძლიერი სიგნალი ევროკავშირისგან. ორშაბათს ჩვენ ვისაუბრეთ, მაგრამ შეთანხმებას ვერ მივაღწიეთ სანქციებთან დაკავშირებით, მაგრამ ამ საკითხზე მომავალშიც უნდა ვიმუშაოთ"- ამბობს კაია კალასი.
