უკრაინის პრეზიდენტის, ვოლოდიმირ ზელენსკის განცხადებით, მზადაა სამშვიდობო სამიტის ფარგლებში რუსეთის პრეზიდენტთან, ვლადიმერ პუტინთან მოლაპარაკებების მაგიდასთან დაჯდეს, - უკრაინული მედიის ცნობით, ამის შესახებ ზელესკიმ ბრიტანელ ჟურნალისტთან, პიერ მორგანთან ინტერვიუში განაცხადა.
კითხვაზე როგორ იგრძნობს თავს, სამშვიდობო სამიტის დროს პუტინის პირისპირ ჯდომა რომ მოუწიოს, ზელენსკიმ უპასუხა, რომ მშვიდობის მისაღწევად ამისთვის მზადაა.
"თუ ეს იქნება ერთადერთი სქემა, რომლის წყალობითაც შევძლებთ მშვიდობა მოვუტანოთ უკრაინელებს და არ დავკარგოთ ხალხი, რა თქმა უნდა, ჩვენ ამაზე წავალთ, მიუხედავად იმისა, რას ვგრძნობ მის მიმართ. მე არ ვიქნები მის მიმართ კეთილი. მე მას მტრად ვთვლი და ვფიქრობ, რომ მასაც მტრად მივაჩნივარ,“ - აღნიშნა ზელენსკიმ.
მისი თქმით, უკრაინა უკვე მზად არის "დიპლომატიურ გზაზე გადასასვლელად".
„თუ ხალხს სჯერა, რომ დიპლომატიურ გზაზე უნდა გადავიდეთ და მე მჯერა, რომ მზად ვართ, მაშინ პუტინს დაველაპარაკებით“, - აღნიშნა ზელენსკიმ.
