„ნაციონალური მოძრაობის“ ყოფილი წევრი, კოტე იოსელიანი, ვიდეოჩანაწერის მეშვეობით, უტა ივანიშვილისთვის ბოდიშის მოხდის შემდეგ, პირველ კომენტარს ავრცელებს.
როგორც ის სოციალურ ქსელში წერს, მეორედ ბოდიშის მოხდა არ ყოფილა არანაირი მორალური, თუ პრინციპული კომპრომისი, რაც მითუმეტეს, მისი შვილების უსაფრთხოებას განსაზღვრავდა.
„რაზეც ერთხელ უკვე მოხდილი მქონდა ბოდიში სამართლიანად, იმაზე მეორედ ბოდიშის მოხდა არ ყოფილა არანაირი მორალური, თუ პრინციპული კომპრომისი, რაც მითუმეტეს, განსაზღვრავდა ჩემი შვილების უსაფრთხოებას.
რუსული, მდაბიო, მოღალატეობრივი და ანტი-ქართული რეჟიმი უნდა განადგურდეს და ამაში ისევ იქ ვდგავარ, სადაც ყოველთვის ვიდექი!“ - წერს სოციალურ ქსელში კოტე იოსელიანი.
შეგახსენებთ, გუშინ კოტე იოსელიანმა გაავრცელა ვიდეო, სადაც ბოდიშს უხდის ბიძინა ივანიშვილის შვილს, უტა ივანიშვილის, რამდენიმე წლის წინ მისი მისამართით გაკეთებული განცხადების გამო.
