აშშ-ის სახელმწიფო მდივანმა, მაიკ პომპეომ, აშშ-ის მიერ რუსეთის აგრესიული საგარეო პოლიტიკის წინააღმდეგ გატარებული ზომების შესახებ ისაუბრა. პომპეოს თქმით, ტრამპის ადმინისტრაცია ყველაზე მკაცრი იყო რუსეთის მიმართ.
როგორც სახელმწიფო მდივანი ტვიტერზე წერს, პრეზიდენტ დონალდ ტრამპის ადმინისტრაციამ, რუსეთის დესტაბილიზაციური ქმედებების საპასუხოდ, 365-ზე მეტ რუსულ სამიზნე ობიექტს სანქციები დაუწესა.
"2017 წლის შემდეგ, დონალდ ტრამპის ადმინისტრაციამ სანქციები დაუწესა 365-ზე მეტ რუსულ სამიზნე ობიექტს, რუსეთის დესტაბილიზაციური და აგრესიული ქმედებების წინააღმდეგ უკრაინასა და ევროპაში", - წერს მაიკ პომპეო ტვიტერზე.
გარდა ამისა, პომპეო ტვიტერზევე წერს, რომ მხარს უჭერს უკრაინის მართლმადიდებელი ეკლესიის ავტოკეფალიას.
ასევე, პომპეომ საკუთარი და ვლადიმერ პუტინის სურათი დატვიტა წარწერით: "აშშ უნდა მიუახლოვდეს რუსეთს ზუსტად იმ გზით, როგორც მიუახლოვდა კომუნისტურ ჩინეთს, უნდა დაეჭვდეს მასში და ამხილოს"
