რუსეთი "სიჩუმის რეჟიმს" აცხადებს და უკრაინულ ქალაქ მარიუპოლსა და ვოლნოვახში ჰუმანიტარულ დერეფნებს ხსნის. ამის შესახებ თავდაცვის სამინისტრო ავრცელებს ინფორმაციას.
"დღეს, 5 მარტს, მოსკოვის დროით დილის 10 საათიდან რუსული მხარე აცხადებს სიჩუმის რეჟიმს და მარიუპოლიდან და ვოლნოვახიდან მოსახლეობის გაყვანისთვის ჰუმანიტარულ დერეფნებს ხსნის", - აღნიშნულია განცხადებებში.
მათივე თქმით, ჰუმანიტარული დერეფნები და მარშრუტები უკრაინულ მხარესთანაა შეთანხმებული.
