აშშ-მა ევროპას შეატყობინა, რომ მზად არიან, უკრაინაში მშვიდობისმყოფელებს “სტრატეგიული საშუალებები” მიაწოდონ. ამის შესახებ ინფორმაციას გამოცემა Financial Times-ი ინფორმირებულ წყაროებზე დაყრდნობით ავრცელებს.
Financial Times-ის ინფორმაციით, უკრაინისთვის უსაფრთხოების გარანტიების განხილვის დროს აშშ-ის წარმომადგენელმა ევროპელ თანამოსაუბრეებს უთხრა, რომ ისინი მზად არიან, “სტრატეგიული საშუალებები” მიაწოდონ.
კერძოდ, საუბარია დაზვერვის, დაკვირვებისა და რეკოგნოსცირების (ISR), სამეთაურო და საკონტროლო საშუალებებზე, ასევე საჰაერო თავდაცვის საშუალებებზე, რათა უკრაინაში ევროპული ძალების ნებისმიერი განთავსება იქნას უზრუნველყოფილი.
გამოცემის წყაროების ცნობით, ომის შემდგომი უსაფრთხოების გარანტიებისთვის აშშ-მა შესაძლოა გამოყოს საკუთარი თვითმფრინავები, ლოჯისტიკა და მიწის რადარები, “რომლებიც მხარს დაუჭერენ და უზრუნველყოფენ ევროპულ არასაფრენ ზონასა და საჰაერო ფარს” უკრაინისთვის.
გამოცემა ასევე აღნიშნავს, რომ აშშ-ის წინადადება ჯერ კიდევ შესაძლოა გაუქმდეს, ხოლო მისი განხორციელება დამოკიდებულია ევროპული სახელმწიფოების მზაობაზე, განალაგონ უკრაინაში “ათობით ათასი” სამხედრო.
