"მსოფლიომ უკრაინის ცა უნდა ჩაკეტოს. არ უნდა იყოს არცერთი პორტი, რომელშიც ტერორისტი სახელმწიფო ფულს გააკეთებს", - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მან პარტნიორ ქვეყნებს მხარდაჭერისთვის მადლობა გადაუხადა და აღნიშნა, რომ საერთაშორისო ლიდერებისა და ბიზნესის სფეროს წარმომადგენლების დახმარება უკრაინისთვის მნიშვნელოვანია.
"ომის დაწყების პირველი დღიდან, ჩვენი მეგობრებისა და პარტნიორების მხარდაჭერას ვგრძნობთ. ამის შესახებ პრეზიდენტ ბაიდენს ვესაუბრე. მადლობელი ვარ, რომ მზად არის კიდევ ახალი ნაბიჯები გადადგას. ასევე, კონგრესმენებსა და სენატორებს ვესაუბრე. ეს ადამიანები მზად არიან, უკრაინის დასახმარებლად კონკრეტული ნაბიჯი გადადგან.
მსოფლიომ უკრაინის ცა უნდა ჩაკეტოს. მსოფლიოში არ უნდა იყოს არცერთი პორტი, რომელშიც ტერორისტი სახელწიფო ფულს გააკეთებს. საერთაშორისო ლიდერებისა და ბიზნესის სფეროს წარმომადგენლების დახმარება უკრაინისთვის ძალიან მნიშვნელოვანია. როდესაც ბიზნესი გვერდზე გიდგას, არ გეშინია რადგან ეს შენი დაცვის ერთ-ერთი გარანტია", - თქვა ვოლოდიმირ ზელენსკიმ.
