საქართველოში ჩემი ვიზიტი დემოკრატიულ უკუსვლასა და სამოქალაქო საზოგადოების მნიშვნელოვან როლს შეეხო, - ამის შესახებ ეუთო-ს მოქმედმა თავმჯდომარემ, ფინეთის საგარეო მინისტრმა, ელინა ვალტონენმა ვენაში, ეუთო-ს მინისტერიალზე სიტყვით გამოსვლისას განაცხადა.
„საქართველოს სუვერენიტეტისა და ტერიტორიული მთლიანობის მიმართ ჩვენი ერთგულება ურყევი რჩება. ჟენევის საერთაშორისო მოლაპარაკებებისა და ინციდენტების პრევენციისა და მათზე რეაგირების მექანიზმის მეშვეობით სამოქალაქო საზოგადოებასთან ჩართულობას ხელს ვუწყობთ. ასევე, საქართველოში ჩემი ვიზიტი დემოკრატიულ უკუსვლას, სამოქალაქო საზოგადოების მნიშვნელოვან როლსა და ადამიანების თავისუფლებას შეეხო“, - განაცხადა ვალტონენმა.
