ევროკავშირი რუსეთის წინააღმდეგ სანქციების მე-20 პაკეტის დამტკიცებას 23 თებერვალს, ომის დაწყებიდან 4 წლისთავზე ფიქრობს. ამის შესახებ ევროკომისიის ვიცე-პრეზიდენტმა, კაია კალასმა განაცხადა.
მისი თქმით, სანქციები სერიოზულ ზიანს მიაყენებს რუსეთის ეკონომიკას და კიდევ უფრო შეუზღუდავს ომის წარმოების შესაძლებლობებს.
ცნობისთვის, ევროკავშირის ელჩები რუსეთის წინააღმდეგ სანქციების მე-20 პაკეტზე ვერ შეთანხმდნენ. გავრცელებული ცნობით, ევროკავშირის ელჩები, შესაძლოა, 21-22 თებერვალს ხელახლა შეიკრიბონ, რათა 23 თებერვალს, ევროკავშირის საგარეო საქმეთა მინისტრების შეხვედრამდე კვლავ განიხილონ შემოთავაზებული სანქციები. სანქციების ახალი პაკეტი ენერგეტიკას, ფინანსურ მომსახურებასა და ვაჭრობას მოიცავს.
