„ევროპული სკოლამ“ „ინოვაციური სწავლების კონფერენციას 5ExLC2026“ უმასპინძლა. კონფერენცია ჩატარდა IB მსოფლიო სკოლების კავკასიისა და ცენტრალური აზიის საერთაშორისო ბაკალავრიატის მსოფლიო სკოლების ასოციაციის (CCAAIBWS) ფარგლებში.
სამი დღის განმავლობაში „ევროპული სკოლა“ გადაიქცა საგანმანათლებლო ინოვაციების ცენტრად და გააერთიანა განათლების სფეროს პროფესიონალები საქართველოდან და მსოფლიოს სხვადასხვა ქვეყნიდან.
600-მდე ადგილობრივი და ჩამოსული სტუმარი, მასწავლებლები, პედაგოგები, ექსპერტები, გამოცდილი სპიკერები, დარგის სპეციალისტები მსჯელობდნენ და ერთმანეთს უზიარებდნენ სიახლეებს, რომლებიც მალე სკოლებში, სასწავლებლებში პრაქტიკაში გადაინაცვლებს. მნიშველოვანი იყო იმ გამოცდილებებისა და სიახლეების გაზიარება, რომელიც თანამედროვე ტექნოლოგიებისა და ხელოვნური ინტელექტის ერაში აუცილებელი, მოთხოვნადი და გარდაუვალია.
კონფერენციაში მონაწილეობა მიიღეს საერთაშორისო ბაკალავრიატის (IB) ორგანიზაციის, საერთაშორისო სკოლების საბჭოს (CIS) და COGNIA-ს, ახალი ინგლისის სკოლებისა და კოლეჯების ასოციაციის (NAESC) ხელმძღვანელებმა, ასევე წამყვანმა ექსპერტებმა, სკოლის ლიდერებმა და პრაქტიკოსმა პედაგოგებმა.
ღონისძიებაზე მონაწილეებს შესთავაზეს გლობალური თანამშრომლობის, პროფესიული განვითარებისა და სწავლების თანამედროვე, ინოვაციური მიდგომების გაზიარების უნიკალურ შესაძლებლობა.
კონფერენციის ფარგლებში მონაწილეებს შესაძლებლობა ჰქონდათ შეხვდროდნენ საერთაშორისო განათლების სფეროს წამყვან ლიდერებს, მათ შორის:
• ფრანჩესკო ბანჩინი (CCAAIBWS-ის თავმჯდომარე)
• სოფიო ბაზაძე („ევროპული სკოლის“ გენერალური დირექტორი)
• ჰაიფ ბანიანი (IB-ის რეგიონული დირექტორი)
• ვედრანა პავლეტიჩი (IB-ის განვითარებისა და აღიარების ხელმძღვანელი)
• ჯეინ ლარსონი (CIS-ის აღმასრულებელი დირექტორი)
• ტერეზა ატუა (COGNIA-ს ვიცეპრეზიდენტი)
კონფერენციის მრავალფეროვანმა პროგრამის ფარგლებში გაიმართა დარგის ლიდერების გამოსვლები ასევე თემატური სესიები და პანელური დისკუსიები.
ევროპულმა სკოლამ მასწავლებელბისა და მოსწვლეების ჩართულობით სტუმრებს ქართული კულტურის, ტრადიცების, სამზარეულოს გაცნობის შესძლებლობაც ჰქონდათ.
