ძალიან კარგი საუბარი მქონდა აშშ-ის პრეზიდენტ დონალდ ტრამპთან. განვიხილეთ ახლო აღმოსავლეთში არსებული ვითარება და რეგიონულ პარტნიორებთან ჩვენი მჭიდრო კოორდინაცია, - ამის შესახებ ევროკომისიის პრეზიდენტი ურსულა ფონ დერ ლაიენი სოციალურ ქსელში წერს.
„ერთიანები ვართ იმაში, რომ ირანს არასდროს არ უნდა ჰქონდეს ბირთვული იარაღი. ბოლოდროინდელმა მოვლენებმა ნათლად აჩვენა, რომ რეგიონული სტაბილურობისა და გლობალური უსაფრთხოებისთვის რისკები ძალიან დიდია“, - აცხადებს ევროკომისიის პრეზიდენტი.
მისივე თქმით, ასევე განიხილეს ევროკავშირსა და აშშ-ის შორის სავაჭრო შეთანხმება.
„ორივე მხრიდან სრულად ერთგულები ვართ მისი განხორციელების მიმართ. ივლისის დასაწყისისთვის ტარიფების შემცირების მიმართულებით კარგი პროგრესი იქნება მიღწეული“, - წერს ურსულა ფონ დერ ლაიენი.
ცნობისთვის აშშ-ის პრეზიდენტი, დონალდ ტრამპი ევროკომისიის პრეზიდენტს, ურსულა ფონ დერ ლაიენს ტელეფონით ესაუბრა. ტრამპის თქმით, საუბარი შესანიშნავი იყო და ევროკომისიის პრეზიდენტი ეთანხმება, რომ ირანს არასდროს უნდა ჰქონდეს ბირთვული იარაღი.
