ხერსონის რეგიონში ადგილობრივი ჟურნალისტი ოლეგ ბატურინი გაუჩინარდა. კოლეგები ვარაუდობენ, რომ ის ოკუპანტებმა გაიტაცეს.
ცოლის ინფორმაციით, გუშინ, დაახლოებით, 16:30 საათზე ბატურინი ადგილობრივ ავტოსადგურზე შეხვედრაზე მივიდა. ამ დროს იქ რუსი სამხედროებიც შენიშნეს.
"სადღაც 16:30 საათზე ოლეგი მივიდა შეხვედრაზე, სახლში დატოვა ტელეფონი და საბუთები. თქვა, რომ 20 წუთში დაბრუნდებოდა. მაგრამ არ დაბრუნდა", - ამბობს ჟურნალისტის ცოლი.
ბატურინი გაზეთ Novy Den-ში ჟურნალისტად მუშაობს.
