მიტროპოლიტი თეოდორე რუსეთის პატრიარქ კირილს: ჩვენთვის მიუღებელია მათი აღიარება, ვისაც ხელდასხმა არ მიუღია – არავითარ ზეწოლას არ დავემორჩილებით
მეუფე იობი: ილია მეორე წუხდა, რატომ არ მეკითხებიან ქვეყნის საკითხებზე და რატომ არ ვარ უშიშროების საბჭოს წევრიო
EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin

ზელენსკი: ყირიმის ოპერაციის შედეგად ოკუპირებული ნახევარკუნძულის საწვავისა და ენერგეტიკული ინფრასტრუქტურა ოპერატიული კონტროლის ქვეშ მოვაქციეთ

ნახვები: 395 ზელენსკი: ყირიმის ოპერაციის შედეგად ოკუპირებული ნახევარკუნძულის საწვავისა და ენერგეტიკული ინფრასტრუქტურა ოპერატიული კონტროლის ქვეშ მოვაქციეთ

 

უკრაინის პრეზიდენტის, ვოლოდიმირ ზელენსკის განცხადებით, უკრაინის თავდაცვის ძალების მიერ განხორციელებული ყირიმის ოპერაციის მთავარი შედეგი რუსეთის ლოგისტიკური ქსელის დარღვევა და ოკუპირებული ყირიმის საწვავისა და ენერგეტიკული ინფრასტრუქტურის ოპერატიული კონტროლის ქვეშ მოქცევა გახდა.

ამის შესახებ ზელენსკიმ Financial Times-თან ინტერვიუში ისაუბრა, ინფორმაციას კი უკრაინული სააგენტო Ukrinform ავრცელებს.

„რამდენიმე ხნის წინ დავიწყეთ ყირიმის ოპერაცია. იგი მოიცავდა როგორც შორი, ისე საშუალო რადიუსის დარტყმებს. ჩვენი მიზანი იყო რუსეთის მიერ ოკუპირებული ნახევარკუნძულის მილიტარიზაციის შენელება. ვურტყამდით სამხედრო ბაზებს, საწყობებს, საჰაერო თავდაცვის სისტემებს, აეროდრომებს, საიდანაც ჩვენს წინააღმდეგ ავიაცია და სარაკეტო დარტყმები ხორციელდებოდა, ასევე ლოგისტიკურ ინფრასტრუქტურას. ჩვენ დავარღვიეთ მათი ლოგისტიკა და ოპერატიული კონტროლის ქვეშ მოვაქციეთ საწვავისა და ენერგეტიკის სექტორი. ვაჩვენეთ, რას ნიშნავს კონკრეტულ ადგილზე და კონკრეტულ დროს საჰაერო სივრცის ოპერატიული კონტროლი,“ – განაცხადა ზელენსკიმ.

მისივე თქმით, ყირიმის ოპერაციას წინ უძღოდა დარტყმები ნოვოროსიისკზე, ასევე რუსეთის ენერგეტიკულ და საპორტო ინფრასტრუქტურაზე.

„ჩვენ მიზანში ამოვიღეთ სწორედ ის ობიექტები, საიდანაც ისინი ენერგეტიკულ შემოსავლებს იღებენ და შემდეგ ამ ფულს სამხედრო ბაზებისა და სამხედრო წარმოების დაფინანსებაზე ხარჯავენ,“ – აღნიშნა უკრაინის პრეზიდენტმა.

ზელენსკის შეფასებით, ამ დარტყმების შემდეგ რუსულმა ბიზნესმაც გააცნობიერა, რომ ომს ვერ მოიგებს.

„რუსულმა ბიზნესმა დაიწყო იმის გაცნობიერება, რომ ამ ომს ვერ მოიგებენ. ისინი კარგავენ დროს, ფულს და, რაც მთავარია, იმედსაც, რადგან ბევრს ჯერ კიდევ სჯეროდა, რომ უკრაინის დაპყრობას შეძლებდნენ,“ – განაცხადა მან.

შეგახსენებთ, 6 ივლისს უკრაინის შეიარაღებული ძალების იერიშის შემდეგ, დროებით ოკუპირებულ ქერჩში მდებარე ნავთობისა და გაზის ტერმინალს ცეცხლი გაუჩნდა. ამავე პერიოდში ელექტროენერგიის მიწოდება შეიზღუდა სევასტოპოლში, სიმფეროპოლში, იალტაში, ბახჩისარაისა და რაზდოლნეს რაიონებში.

ყველას ნახვა
ყველას ნახვა
ყველას ნახვა