მარკო რუბიო თანამდებობიდან წასვლის შესახებ გავრცელებულ ინფორმაციას უარყოფს – „არ ვიცი, საიდან მოდის ეს ყველაფერი“
კუშნერი: აშშ ევროპისა და რუსეთის უსაფრთხოების ახალ ჩარჩოზე მუშაობს – მომავალ კვირას აბუ-დაბიში უკრაინასთან და რუსეთთან სამმხრივი მოლაპარაკებები გაიმართება
ტრამპი პუტინის წარმომადგენელთან შეხვედრის შემდეგ: უკრაინის ომზე დიდი შეთანხმება იქნება, რომელშიც შესაძლოა მთელი ევროპაც ჩაერთოს
პიტ ჰეგსეთი იმპიჩმენტის მცდელობაზე: ეს არ გამოუვიდათ ტრამპის წინააღმდეგ და არც ჩემს შემთხვევაში გამოუვათ
საგარეჯოში ორი ძმის მკვლელობის ბრალდებით ერთი პირი დააკავეს – გადარჩენილი ძმა თავდასხმის დეტალებს იხსენებს
Bloomberg: მარკო რუბიო თანამდებობიდან წასვლას განიხილავს – სახელმწიფო დეპარტამენტი ინფორმაციას უარყოფს
სალომე ზურაბიშვილი: საქართველოსთვის უვიზო მიმოსვლის შეწყვეტა რუსეთისთვის საჩუქარი იქნება
საგარეჯოში ორი ძმა მოკლეს – არსებული ინფორმაციით, მათ ქორწილში მიმავალ გზაზე ჩაუსაფრდნენ

თბილისის პრობლემურ გზაჯვარედინებზე ე.წ. Yellow Box-ების მოწყობა იგეგმება

ნახვები: 352 თბილისის პრობლემურ გზაჯვარედინებზე ე.წ. Yellow Box-ების მოწყობა იგეგმება

თბილისის პრობლემურ გზაჯვარედინებზე ე.წ. Yellow Box-ების მოწყობა იგეგმება. ამის შესახებ დედაქალაქის მერმა კახა კალაძემ მთავრობის სხდომაზე განაცხადა.

სპეციალური საგზაო მონიშვნა იმ სატრანსპორტო კვანძებზე გაკეთდება, სადაც ავტომობილების დიდი ნაკადის გამო მოძრაობა შუქნიშნით რეგულირების მიუხედავად ფერხდება.

„ხშირია შემთხვევა, როდესაც მძღოლები ხედავენ, რომ წინ გადაადგილება შეუძლებელია, თუმცა მწვანე შუქზე მაინც გადიან გზაჯვარედინზე და მარცხნიდან ან მარჯვნიდან მოძრავ ავტომობილებს გადაადგილების შესაძლებლობას არ აძლევენ. ეს კიდევ უფრო მეტ პრობლემას იწვევს ყველა მიმართულებით“, — განაცხადა კალაძემ.

მისივე განმარტებით, საქართველოს კანონმდებლობა მძღოლს მწვანე შუქის შემთხვევაშიც უკრძალავს გზაჯვარედინზე შესვლას, თუ არსებობს იქ გაჩერებისა და მოძრაობის შეფერხების საფრთხე, თუმცა ამ მოთხოვნის აღსრულება პრაქტიკაში რთულია.

კალაძის განცხადებით, საერთაშორისო პრაქტიკაში ასეთ ადგილებში ეფექტურად გამოიყენება ე.წ. Yellow Box — სპეციალური მონიშვნა, რომელიც განსაზღვრავს სივრცეს, სადაც ავტომობილის გაჩერება დაუშვებელია.

თბილისის მერმა ურბანულ სამსახურს დაავალა, შინაგან საქმეთა სამინისტროსთან ერთად დაიწყოს საკითხზე მუშაობა.

მისი ინფორმაციით, 2012 წლამდე თბილისში დაახლოებით 180 ათასი კერძო ავტომობილი გადაადგილდებოდა, დღეს კი პიკის საათებში მათი რაოდენობა 900 ათასამდე აღწევს. კალაძის შეფასებით, Yellow Box-ების დანერგვა გადატვირთულ კვანძებზე მოძრაობის განტვირთვას შეუწყობს ხელს.

ყველას ნახვა
ყველას ნახვა
ყველას ნახვა