უკრაინის გაერთიანებული სამხედრო ძალების გენერალური შტაბის ცნობით, 15 მარტის მონაცემებით, ომის 20 დღეში რუსეთმა თავისი სამხედრო ძალის 2/5 დაკარგა.
"2022 წლის 15 მარტის მდგომარეობით, მტერმა დაკარგა (სრულად განადგურდა ან საბრძოლო უნარი დაკარგა) უკრაინის ტერიტორიაზე ეგრეთ წოდებულ "ოპერაციაში" მონაწილე ნაწილების 40%-მდე". - აცხადებს გენშტაბი.
გარდა ამისა, უკრაინელი სამხედროები აცხადებენ, რომ რუსეთის შეტევა ყველა მიმართულებით კვლავ შეჩერებულია. უკრაინული მხარისთვის მარიუპოლში ყველაზე მძიმე ვითარებაა.
