უკრაინის პრეზიდენტის მრჩეველი მიხაიოლო პოდოლიაკი აცხადებს, რომ მოლაპარაკებების შესახებ რუსეთის განცხადებები მათ მოთხოვნებს ასახავს. უკრაინა კი თავის პოზიციაზე რჩება.
„მოლაპარაკებების შესახებ: რუსული მხარის განცხადებები მხოლოდ მათ მოთხოვნებს ასახავს. ყველა მათი განცხადება, სხვა რამეებთან ერთად, მიმართულია მედიაში დაძაბულობის გამოწვევისკენ. ჩვენი პოზიცია უცვლელია: ცეცხლის შეწყვეტა, ჯარების გაყვანა და უსაფრთხოების მყარი გარანტიები სპეციალური ფორმულებით", - აცხადებს პოდოლიაკი.
