ირპენში რუს ოკუპანტებთან ბრძოლაში ორი ქართველი მებრძოლი დაიღუპა.
გავრცელებული ინფორმაციით დაღუპულები არიან დავით რატიანი და გია ბერიაშვილი.
“სულ რაღაც ორი დღის წინ ერთად ვისხედით გაყინულები სატვირთოს ძარაზე. ცოტა ვიხალისეთ, ვიცინეთ. დილით ადრე ოპერაციაზე გავიდნენ თანამებრძოლებთან ერთად და სამწუხაროდ ვეღარ დაბრუნდნენ.
მათ საქართველოს შესწირეს თავი!”, - წერს საკუთარ ფეისბუქგვერდზე სემეკის ყოფილი თავმჯდომარე გურან ჩალაგაშვილი.
ამ დროისთვის უცნობია თუ როდის მოხდება დაღუპული მებრძოლების საქართველოში გადმოსვენება.
დაღუპულთა ფოტოები ვრცელდება სოციალურ ქსელებში.
