24 თებერვლიდან 19 მარტის ჩათვლით პერიოდში გაერო-მ უკრაინაში ომის შედეგად დაზარალებული 2361 მშვიდობიანი მოქალაქე დააფიქსირა, რომელთა შორის 902 დაიღუპა, ხოლო 1459 პირი კი დაშავდა. ამის შესახებ გაერო-ს ადამიანის უფლებათა უმაღლესი კომისრის ოფისი იტყობინება.
„სულ დაიღუპა 902 ადამიანი. დაფიქსირებული სამოქალაქო მსხვერპლის უმეტესობა დიდ ფართობზე ასაფეთქებელი ტიპის იარაღის გამოყენების შედეგად, მათ შორის მძიმე არტილერიის დაბომბვისა და მრავალჯერადი სარაკეტო სისტემების, ასევე ცალკეული სარაკეტო და საჰაერო თავდასხმების შედეგად მოხდა", - ნათქვამია გაერო-ს ადამიანის უფლებათა უმაღლესი კომისრის ოფისის ინფორმაციაში.
