საპარლამენტო უმრავლესობის წევრის, დავით სერგეენკოს განცხადებით, ხვალვე იქნება მიღებული გადაწყვეტილება ახალ პრემიერ-მინისტრთან დაკავშირებით, რათა სახელმწიფო ინსტიტუტების მუშაობა შეუფერხებლად გაგრძელდეს.
სერგეენკოს თქმით, გახარიას გადადგომა მისთვის მოულოდნელი იყო.
„გამიჭირდება დასაბუთება, რამდენად გამოსავლის გასაუმჯობესებელი გადაწყვეტილება იყო გიორგი გახარიას მხრიდან. მთავრობის მეთაურის გადადგომა დიდი მასშტაბის გადაწყვეტილებაა, თუმცა არა დრამატული, რადგან ხვალვე იქნება მიღებული პოლიტიკური გადაწყვეტილება, რათა სახელმწიფო ინსტიტუტების მუშაობა გაგრძელდეს შეუფერხებლად და სამართალი აღსრულდეს.
გამიჭირდება, სრულყოფილად შევაფასო მისი ნაბიჯი, ეს მოულოდნელი იყო, გულახდილად, დღეს გავიგე. ვიცოდი, რომ იყო აზრთა სხვადასხვაობა, მაგრამ მისი ეს ნაბიჯი მასშტაბით დიდია, თუმცა ნამდვილად არ ვფიქრობ, რომ ეს უფრო დრამატულია, ვიდრე პასუხისმგებლობისგან გაქცევა და ა.შ. ამ ეტაპზე შემიძლია ვთქვა, მიუხედავად ამ ნაბიჯის მნიშვნელობისა, სახელმწიფო ინსტიტუტების მუშაობა არ შეფერხდება და პოლიტიკური გადაწყვეტილებები ძალიან მალე იქნება მიღებული", - აღნიშნა დავით სერგეენკომ.
სერგეენკოს განმარტებით, არასწორი მოლოდინია, რომ პოლიტიკური გადაწყვეტილების საფუძველზე პროკურატურამ მოხსნას ბრალდება.
„პოლიტიკური გადაწყვეტილებებით არ უნდა მოქმედებდეს პრკურატურა, შესაბამისად, მოლოდინები არ შეესაბამება რეალობას", - განაცხადა დავით სერგეენკომ.
