მიხეილ სააკაშვილი - მიხარია იმის მოსმენა, რომ სალომე ზურაბიშვილი საუბრობს ერთობის აუცილებლობაზე
21 წლის გიორგი მინდაძისთვის 5 წლით თავისუფლების აღკვეთის შეფარდებას თბილისის საქალაქო სასამართლოს ეზოში ხმაური და დაპირისპირება მოჰყვა
სომხეთმა რუსი ოლიგარქის სამველ კარაპეტიანის საკუთრებაში არსებული ენერგეტიკული კომპანიის ნაციონალიზაცია დაიწყო
ეუთო-ს საპარლამენტო ასამბლეა - მოვუწოდებთ საქართველოს ხელისუფლებას, შეასრულოს ნაკისრი ვალდებულებები, რათა უზრუნველყოს სამოქალაქო საზოგადოების, დამოუკიდებელი მედიის, აქტივისტებისა და მომიტინგეების თავისუფლად და უსაფრთხოდ ყოფნა
სიახლეები თიბისის ბიზნეს მობაილბანკში
ჟიგიმანტას პავილიონისი - საქართველო განიცდის პუტინის მარიონეტების მიერ სახელმწიფოს მიტაცებას
საქართველოსა და ირლანდიის დიდი დაპირისპირების მოლოდინში - ბორჯღალოსნები ზაფხულის ტურნეს საშინაო კედლებში იწყებენ
War update: 185 clashes recorded along the front in past day, 58 in Pokrovsk sector

მამუკა ხაზარაძე - დღეიდან დაიწყება შეუპოვარი ბრძოლა დემოკრატიისთვის

23.02.2021 ნახვები: 689

დღეიდან დაიწყება შეუპოვარი ბრძოლა დემოკრატიისთვის, ჩვენი ქვეყნის გათავისუფლებისკენ, რადგან ერთი კაცის და მისი დამქაშების დრო ამ ქვეყანაში დამთავრდა, - ამის შესახებ „ლელო საქართველოსთვის" ლიდერმა მამუკა ხაზარაძემ განაცხადა.

ხაზარაძის თქმით, უნდა გადადგან ყველა ის ნაბიჯი, რომელიც მალე ქვეყანას განვითარების გზაზე დააყენებს.

„ჩემი აქ ყოფნა არის არა მარტო უსამართლობის წინააღმდეგ გალაშქრება, რომელიც დღეს, ჩვენი ქვეყნის ოკუპაციის ასი წლის თავზე განახორციელეს 21-ე საუკენეში ბიძინა ივანიშვილის მეთაურობით მისმა დამქაშებმა, ეს არის მართლა სიმბოლური, სწორედ დღეიდან დაიწყება ნამდვილი გამათავისუფლებელი ამბავი, რომ ჩვენ - საქართველო კიდევ ერთხელ არ გავხდეთ რუსეთის გუბერნია.

მემგონი, ჩვენმა მოსახლეობამ უნდა დაინახოს ფართო სურათი, რა ხდება რეგიონში, რა პროცესები ვითარდება. ამიტომ, შემთხვევითობა არ არის, რაც დღეს მოხდა. კატეგორიულად ვემიჯნები იმ რიტორიკას, რომ 9 წელი გავიხსენოთ, მომავალში უნდა გავიხედოთ. არჩევანი არის ძალიან მკაფიო - ან ჩვენ გავხდებით, ღმერთმა დაგვიფაროს, რუსეთის იმპერიის ნაწილი და ოკუპირებული იქნება არა 20 პროცენტი, არამედ ყველაფერი ისე, რომ ვერც გავიგებთ... მნიშვნელობა აქვს, რა მოხდა დღეს, როცა მთავარი ოპოზიციური პარტიის ლიდერი გამოიყვანეს ძალისმიერი მეთოდით, როცა მთელი ოპოზიციური სპექტრი უკვე ბოლო თვეების განმავლობაში ითხოვს, რომ ჩატარდეს რიგგარეშე არჩევნები ან პლებისციტი, რომ გაყალბებული არჩევნები ერთხელ და სამუდამოდ დამთავრდეს, რადგან ვერანაირ დემოკრატიას, ვერანაირ სასამართლოს ჩვენ ვერ ავაშენებთ, თუ არჩევნები, ადმიანის უფლება, მისი ხმის უფლება იქნება ხელყოფილი.

ამიტომ ვდგავართ ჩვენ ამ ბოიკოტში პარტიული განსხვავების მიუხედავად და ეს გავაერთიანებს. ამიტომ დღევანდელი დღიდან დაიწყება შეუპოვარი ბრძოლა დემოკრატიისთვის, შეუპოვარი ბრძოლა ჩვენი ქვეყნის გათავისუფლებისკენ, რადგან ერთი კაცის და მისი დამქაშების დრო დამთავრდა ამ ქვეყანაში. ჩვენ უნდა გავათავისუფლოთ ეს ქვეყანა, გამოვგლიჯოთ ეს მიძინებული ქვეყნა ამ ოლიგარქიას და ჩვენი შვილებისთვის, ჩვენი მომავლისთვის გადავდგათ ყველა ის ნაბიჯი, რომელიც მალე, გარწმუნებთ, ძალიან ცოტა ხანში ქვეყანას განვითარების გზაზე დააყენებს", - განაცხადა მამუკა ხაზარაძემ.

 

ყველას ნახვა
ყველას ნახვა