რუსებმა ზოგიერთი უკრაინული ქალაქის მერი მოკლეს, - ეს განცხადება ვოლოდიმირ ზელენსკიმ გავლენიან გამოცემა „ეკონომისტთან" ინტერვიუში გააკეთა. მისი თქმით, უკრაინაში მიმდინარე მოვლენების შესახებ რუსეთის მოქალაქეების უმეტესობამ არაფერი იცის.
ზელენსკის განცხადებით, კრემლი აკონტროლებს მთელ საინფორმაციო სივრცეს. მისი თქმით, რუსეთი იგივე მეთოდებით მოქმედებს, როგორც 2014 წელს დონბასში იქცეოდა.
„რუსებმა დაბლოკეს ჩვენი დახმარება, რომლიც მარიუპოლში, მელიტოპოლში, ბერდიანსკში, ხერსონსა და ხარკოვში ჩაგვქონდა. თუმცა, ისინი ქალაქებს ვერ აკონტროლებენ. მელიტოპოლსა და ბერდიანსკში რუსები რუბლით ანგარიშსწორებაზე გადადიან. ისინი იტაცებენ მერებს. ზოგიერთი მათგანი მოკლეს. ზოგიერთს ვერ ვპოულობთ. ზოგს მივაგენით და ისინი მკვდრები არიან. ზოგიერთი შეცვალეს. ისინი იგივეს აკეთებენ, რაც 2014 წელს დონბასში გააკეთეს. იგივე ხალხი ატარებს იგივე ოპერაციებს. ეს არის იგივე მეთოდები", - განაცხადა ზელენსკიმ.
