საქართველოს პარლამენტის ყოფილი თავმჯდომარე კახა კუჭავა უკრაინაში განვითარებულ მოვლენებს სოციალურ ქსელ „ტვიტერში" ეხმაურება.
როგორც კუჭავა აღნიშნავს, რუსეთი უკრაინაში იგივე მეთოდებს იყენებს, რაც საქართველოში გამოიყენა.
„წარმოუდგენელია, როგორი იქნება ცივილიზებული სამყაროს მომავალი რუსეთის შემაძრწუნებელ სისასტიკეზე სათანადო პასუხის გაცემის გარეშე. საქართველოს ახსოვს ჩვენი წამებული გმირები და ოკუპანტი იყენებს იგივე მეთოდებს, რომლებიც სასტიკია, უღირსია და ანადგურებს მშვიდობიან მოსახლეობას", - წერს კახა კუჭავა.
უკრაინის ქალაქ ბუჩადან რუსეთის შეიარაღებული ძალების გასვლის შემდეგ, ქალაქში მშვიდობიანი მოქალაქეების ცხედრები იპოვეს.
