საქართველოს საგარეო საქმეთა მინისტრს დავით ზალკალიანს და აშშ-ს სახელმწიფო მდივანს ენტონი ბლინკენს შორის სატელეფონო საუბარი გაიმართა.
ინფორმაცია Twitter-ის საკუთარ გვერდზე დავით ზალკალიანმა დაწერა.
"შესანიშნავია, რომ მდივან ბლინკენთან ერთად ვისაუბრეთ საქართველოსა და რეგიონში არსებული უსაფრთხოების გარემოს, ჩვენ სტრატეგიულ პარტნიორობასა და საქართველოს დემოკრატიული კონსოლიდაციის შესახებ. აშშ-ს მტკიცე მხარდაჭერას როგორც საქართველოს ტერიტორიული მთლიანობის, ისე ჩვენი ევროატლანტიკურ სტრუქტურებში ინტეგრაციის მიმართულებით გადამწყვეტი მნიშვნელობა აქვს. ველით ბაიდენის ადმინისტრაციასთან მჭიდრო თანამშრომლობას პარტნიორობის კიდევ უფრო განმტკიცებისთვის", - წერს დავით ზალკალიანი.
შეგახსენებთ, რომ დღეს ბრიუსელში ენტონი ბლონკენის სამდღიოანი ვიზიტი იწყება.
ინფორმაციას სახელმწიფო დეპარტამენტი ავრცელებს. სამდღიანი ვიზიტის ფარგლებში, ენტონი ბლინკენი, თავდაცვის მდივან ლოიდ ოსტინთან ერთად, ნატო-ს მოკავშირეებსა და პარტნიორებთან სხვადასხვა საკითხზე გამართავს კონსულტაციებს. დღის წესრიგშია ავღანეთის სამშვიდობო პროცესის, ირანის ბირთვული პროგრამისა და რუსეთისგან მომდინარე საფრთხეების განხილვა. სახელმწიფო მდივანი ტრანსატლანტიკური ალიანსის მხარდაჭერას კიდევ ერთხელ დაადასტურებს. ის ევროპელ კოლეგებთან ორმხრივ შეხვედრებსაც გამართავს. ბოლო ერთი თვის განმავლობაში, ბლინკენი ბრიუსელს მეორედ ეწვევა. ბოლოს, ბელგიის დედაქალაქში მარტის შუა რიცხვებში იმყოფებოდა.
