რუსეთი შესაძლოა 2008 წელს საქართველოში განხორციელებული სცენარის გამეორებას გეგმავდეს. ამის შესახებ უკრაინის თავდაცვის მინისტრმა ანდრეი ტარანმა საფრანგეთის ელჩ ეტიენ დე პონსენთან შეხვედრისას განაცხადა.
„კარგად გვაქვს გაცნობიერებული, რომ რუსეთი უკრაინის წინააღმდეგ 2008 წელს საქართველოში განხორციელებული სცენარის გამეორებას შეიძლება გეგმავდეს. მათ შესაძლოა უკრაინის შეიარაღებული ძალები მშვიდობიან მოსახლეობაზე თავდასხმაში დაადანაშაულონ იმის გათვალისწინებით, რომ ოკუპირებულ ტერიტორიაზე რუსეთმა 400 ათასს ადამიანს რუსული პასპორტები დაურიგა. რუსეთი პროვოკაციების მოწყობას შეეცდება.
შექმნილი ვითარების ფონზე უკრაინისთვის NATO-ში გაწევრიანების სამოქმედო გეგმის მინიჭებას სასიცოცხლო მნიშვნელობა აქვს, რადგანაც ეს რუსეთისთვის მკაცრი სიგნალი იქნება,"- აღნიშნა უკრაინის თავდაცვის მინისტრმა.
