აშშ მზად არის, სანქციები დაუწესოს რუსეთს კიბერშეტევებისთვის. გავრცელებული ინფორმაციით, აშშ-ს მთავრობა აპირებს, სანქციების ფართო სპექტრის შემოღებას რუსეთის წინააღმდეგ.
აშშ-ის ეს ნაბიჯი იქნება პასუხი რუსეთის წინააღმდეგ კიბერთავდასხმების გამო, მათ შორის, საუბარია 2020 წელს აშშ-ს საპრეზიდენტო არჩევნებში რუსეთის სავარაუდო ზეგავლენაზეც.
ახალი სანქციების შესახებ განცხადება, სავარაუდოდ, უახლოეს პერიოდში გაკეთდება.
სანქციები შეეხება 30-ზე მეტ რუსულ სტრატეგიულ ობიექტს და მოიცავს, მინიმუმ, 10 ადამიანის გაძევებას აშშ-დან.
BBC-ს მიერ გავცელებული ინფორმაციის თანახმად, მოსალოდნელია, რომ აშშ-ს პრეზიდენტის ჯო ბაიდენის ადმინისტრაცია ასევე გასცემს ბრძანებას, რომელიც შეუზღუდავს ამერიკულ ფინანსურ ინსტიტუტებს ობლიგაციების რუბლში შეძენას.
შეგახსენებთ: დაგეგმილია ორი ქვეყნის პრეზიდენტების შეხვედრაც, რომელზეც მხარეები ურთიერთთანამშრომლობის საკითხებზე შეთანხმდებიან.
