ჩინურ, სოციალური ქსელს და ვიდეობის გაზიარების ონლაინ-პლატფორმა TikTok-ს არასრულწლოვანთა ინფორმაციის მოპოვებასა და გამოყენების ბრალდებით სასამართლოში უჩივიან.
სარჩელი შეტანილია მილიონობით ბავშვის სახელით დიდ ბრიტანეთსა და ევროკავშირში, რომლებიც აპლიკაციას იყენებდნენ და სავარაუდოდ მათი ინფორმაცია უკანონოდ იქნა მოპოვებული და გამოყენებული.
კომპანიის განცხადებით, ბრალდებები უსაფუძვლოა და სიმართლეს არ შეესაბამება.
იურისტები აცხადებენ, რომ TikTok-ი იღებს ბავშვების პირად ინფორმაციას, მათ შორის ტელეფონის ნომრებს, ვიდეოებს, ზუსტ ადგილმდებარეობასა და ბიომეტრიულ მონაცემებს, საკმარისი გაფრთხილების, გამჭვირვალობის ან კანონით გათვალისწინებული აუცილებელი თანხმობის გარეშე. ბავშვებმა და მათმა მშობლებმა არ იციან თუ, როგორ და რა მიზნებისთვის ხდება ამ ინფორმაციის გამოყენება.
ამის საპასუხოდ, TikTok-ში, განაცხადეს, რომ მომხმარებლის კონფიდენციალურობა და უსაფრთხობა მათი მთავარი პრიორიტეტია.
"კონფიდენციალურობა და უსაფრთხოება TikTok- ის მთავარი პრიორიტეტია და ჩვენ გვაქვს ძლიერი პოლიტიკა, პროცესები და ტექნოლოგიები, რაც ხელს შეუწყობს ყველა მომხმარებლის და განსაკუთრებით ჩვენი თინეიჯერი მომხმარებლების დაცვას",- აღნიშნულია, განცხადებაში.
შეგახსენებთ: TikTok-ი ბაზარზე ერთ-ერთი ყველაზე პოპულარული და გამოყენებადი აპლიკაციაა. მსოფლიოში TikTok-ს 800 მილიონზე მეტი მომხმარებელი ჰყავს.
