ბოლო 24 საათის განმავლობაში დაბომბვის შედეგად, უკრაინის ჩრდილო-აღმოსავლეთით, ხარკოვის ოლქში, სულ მცირე 7 ადამიანია დაღუპული, 22 კი დაჭრილი. დაღუპულთა შორის არის 2 წლის ბიჭი, რომელიც რუსეთის სამხედრო ძალების საარტილერიო და სარაკეტო დარტყმებს ემსხვერპლა.
არსებული ინფორმაციის შესახებ ხარკოვის ოლქის გუბერნატორი, ოლეგ სინეგუბოვი აცხადებს. მიუხედავად მომხდარისა, რუსები უარყოფენ, რომ უკრაინაში მათი მთავარი სამიზნე მშვიდობიანი მოსახლეობაა.
რაც შეეხება რუსეთს, უკრაინის მიერ გავრცელებული ინფორმაციით, ომის დაწყების შემდეგ 19 800 რუსი ჯარისკაცია დაღუპული.
