"სხვა გზა არ დამრჩენია და ვაცხადებ დღეს და შაბათს აღვასრულებ, თუ იღუმენი დანიელი არ მოინანიებს ამ ამბოხს და ამ უაზრო მოქმედებებს, რომელიც პირდაპირ მიმართულია ეკლესიის წინააღმდეგ, მე გადაწყვეტილებას ვიღებ, რომ ეს ადამიანი განვკვეთო და აღარ ექნება უფლება, იყოს მღვდელმსახური," - ამის შესახებ ჭყონდოდელი მიტროპოლიტი, მეუფე სტეფანე აცხადებს.
მისივე თქმით, შაბათს თამაკონში იქნება.
„მოვიდეს და გამოაცხადოს საქვეყნოდ სინანული. შეიძლება, ამ შემთხვევაში მისი განკვეთა არ მოხდეს," - ამბობს მეუფე.
„ასევე, დიაკონ ანანიას და ბერდიაკონ პეტრე ღუდუშაურს განვკვეთავ, თუ ისინიც არ მოინანიებენ. იქ იყო ერთი ბერმონაზონი, რომელსაც სამღვდელო ხარისხი არ გააჩნია და თუ არ შეწყვეტს უაზრო ქმედებებს, ალბათ მივიღებ ზომებს, მაგრამ ჯერჯერობით ამ სამით შემოვიფარგლები", - აცხადებს მეუფე სტეფანე.
შეგახსენებთ: გუშინ, მარტვილის მონასტერში სასულიერო პირებს შორის ფიზიკური დაპირისპირება მოხდა.
