მტკიცებულებები ჯერ არ არსებობს, რომ მარიუპოლი სრულად დაეცა, – ამის შესახებ აშშ-ის პრეზიდენტმა ჯო ბაიდენმა განაცხადა.
ბაიდენმა აღნიშნა, რომ რუსეთმა უნდა უზრუნველყოს ჰუმანიტარული დერეფნები, რათა მარიუპოლიდან მშვიდობიანმა მოსახლეობამ უსაფრთხოდ გასვლა შეძლოს.
„უპირველეს ყოვლისა, საეჭვოა, აკონტროლებს თუ არა ის მარიუპოლს. ერთი საკითხი, რაც დანამდვილებით ვიცით მარიუპოლზე ისაა, რომ მან უნდა დაუშვას ჰუმანიტარული დერეფნები, რათა გასვლის შესაძლებლობა მისცეს ხალხს, რომელიც არის ნანგრევებში მეტალურგიულ ქარხანასა და სხვა ადგილებში. ასეთ გარემოებებში ამას ნებისმიერი სახელმწიფო მეთაური გააკეთებდა. ჯერჯერობით არ არსებობს მტკიცებულებები, რომ მარიუპოლი სრულად დაეცა“, – განაცხადა ჯო ბაიდენმა.
